HEADLINES:
September 15 2019
காலிறுதியில் இங்கிலாந்து அணி
04 July 2018

மாஸ்கோ: உலக கோப்பை நாக் அவுட் சுற்றில் கொலம்பியாவை வீழ்த்தி இங்கிலாந்து அணி வெற்றி பெற்றது.
ரஷ்யாவில் உலக கோப்பை கால்பந்து தொடர் நடக்கிறது. நேற்று நடந்த இதன் 'ரவுண்டு-16' சுற்றுப்போட்டியின் கடைசி போட்டியில் இங்கிலாந்து, கொலம்பியா அணிகள் மோதின. காயத்திலிருந்து (தொடை பின்பகுதி) மீளாத கொலம்பிய வீரர் ரோட்ரிக்ஸ் பங்கேற்கவில்லை.
கொலம்பியா வீரர்கள் முரட்டு ஆட்டத்தில் ஈடுபட்டனர். 57வது நிமிடத்தில், சான்சஸ் இங்கிலாந்து கேப்டன் ஹாரி கேனை 'பெனால்டி ஏரியா'வில் 'பவுல்' செய்தார். இதில், கிடைத்த 'பெனால்டி' வாய்ப்பில் ஹாரி கோல் அடிக்க, இங்கிலாந்து ரசிகர்கள் மகிழ்ந்தனர். 'ஸ்டாப்பேஜ்' நேரத்தில் (90+3) கொலம்பியா சார்பில் மினா பதிலடி தர, ஆட்டம் 1-1 என சமன் ஆனது. இதனால் போட்டி கூடுதல் நேரத்துக்கு (30 நிமிடம்) சென்றது. இதிலும் இரண்டு அணிகளும் கோல் போடாததால் பெனால்டி ஷூட்அவுட் முறையில் 4-3 என்ற கோல் கணக்கில் இங்கிலாந்து அணி, கொலம்பியாவை வீழ்த்தி காலிறுதி சுற்றுக்குள் நுழைந்தது.

 

 

Related Stories