HEADLINES:
February 21 2018
குஜராத்தில் 2 ராஜ்யசபா எம்.பி., பதவிகளை இழக்க போகும் பா.ஜ.,
19 December 2017

புதுடில்லி: குஜராத்தில் பா.ஜ., 99 தொகுதிகளில் மட்டும் வெற்றி பெற்றதால், அங்கு இரண்டு எம்.பி., பதவிகளை அக்கட்சி இழக்க உள்ளது. 

 

பலம் குறையும்

 

குஜராத்தில் நடந்து முடிந்த சட்டசபை தேர்தலில் பா.ஜ., 99 தொகுதிகளில் வெற்றி பெற்று 6வது முறையாக ஆட்சியமைக்கிறது. குஜராத்திலிருந்து ராஜ்யசபாவிற்கு 11 எம்.பி.,க்கள் உள்ளனர். இதில், 9 பேர் பா.ஜ.,வினர். அவர்களில், 2018 ஏப்ரல் 2ம் தேதியுடன், மத்திய அமைச்சர் அருண் ஜெட்லி, பர்சோத்தம் ரூபாலா, சங்கர் பாய் வேகாத், மன்சுக் மண்டாவியா ஆகியோரின் பதவிக்காலம் நிறைவு பெறுகிறது. இதற்காக தேர்தல் நடக்கும் போது, அக்கட்சி இரண்டு எம்.பி., பதவிகளை மட்டுமே கைப்பற்ற முடியும். 36 ஏம்.எல்.ஏ.,க்கள் மூலம் ஒரு எம்.பி.,யை தேர்வு செய்ய முடியும் என்பதால், பா.ஜ.,வால் 2 எம்.பி.,க்களை மட்டுமே தேர்வு செய்ய முடியும். 

 

100 ஆக அதிகரிப்பு

 

இதன் மூலம், குஜராத்திலிருந்து அக்கட்சிக்கு உள்ள 9 ராஜ்யசபா எம்.பி.,க்கள் பலம் 7 ஆக குறையும். இருப்பினும், இங்கு ஏற்படும் இழப்பை உ.பி., இமாச்சல், மஹாராஷ்டிரா மாநிலங்களில் இருந்து சரி செய்ய வாய்ப்பு உள்ளது. இதன் மூலம் அடுத்த வருடம் ராஜ்யசபாவில் தேசிய ஜனநாயக கூட்டணியின் பலம் 100 ஆக அதிகரிக்கும் வாய்ப்பும் உள்ளது.

 

 

Related Stories