HEADLINES:
August 22 2018
5 ஆண்டுகளில் 4 முறை உயர்த்தப்பட்ட எம்.பி.,க்கள் சம்பளம்
11 December 2017

புதுடில்லி: இந்த பார்லி., குளிர்கால கூட்டத்தொடர் தாமதமாக துவங்குவது, அரசியல் வட்டாரத்தில் கடும் விமர்சனத்திற்கு உள்ளாகி உள்ளது. இந்நிலையில், கடந்த காலங்களில் பார்லி.,யின் செயல்பாடு எப்படி இருந்தது என்ற புள்ளி விபரம் வெளியிடப்பட்டுள்ளது.


மசோதாக்கள் நிறைவேற்றம் :

இதில், 1952 முதல் 1972 வரையிலான 20 ஆண்டுகள் சராசரியாக 128 முதல் 132 நாட்கள் பார்லி., குளிர்கால கூட்டம் நடந்துள்ளது. கடந்த 10 ஆண்டுகளில், சராசரியாக 66 முதல் 67 நாட்கள் வரையே பார்லி., கூட்டம் நடத்தப்பட்டுள்ளது. இந்த 10 ஆண்டுகளில் 47 சதவீதம் மசோதாக்கள், விவாதம் ஏதும் இன்றி நிறைவேற்றப்பட்டுள்ளன. இவற்றில் 24 சதவீதம் மசோதாக்கள் கடந்த கூட்டத் தொடரின் கடைசி 3 மணி நேரங்களில் நிறைவேற்றப்பட்டுள்ளது குறிப்பிடத்தக்கது.
கடந்த, 10 ஆண்டுகளில் 31 சதவீதம் சட்டங்கள் பார்லி., நிலைக்குழு அல்லது ஆலோசனை கமிட்டியால், எவ்வித ஆய்வுக்கும் உட்படுத்தப்படாமல் நிறைவேற்றப்பட்டுள்ளன. இவற்றை ஆய்வு செய்யும் அவசியம் ஏற்படாததால் உடனடியாக இந்த மசோதாக்கள் நிறைவேற்றப்பட்டுள்ளன. 


படித்தவர் குறைவு :

இதே போன்று, கடந்த 20 ஆண்டுகளில் ஆராய்ச்சி படிப்பு, ஆராய்ச்சி மேற்படிப்பு, பட்ட மேற்படிப்பு முடித்த எம்.பி.,க்களின் எண்ணிக்கை 62 சதவீதம் குறைந்துள்ளதாக பார்லி., புள்ளி விபர அறிக்கை கூறுகிறது. கடந்த 10 ஆண்டுகளில் 30 வயதிற்கு உட்பட்ட எம்.பி.,க்கள் 71 சதவீதம் பேர் இடம்பெற்றுள்ளனர். இவர்கள் இரண்டாவது அல்லது 3வது தலைமுறை பார்லி., உறுப்பினர்களாக உள்ளனர். இதே போல் 40 வயதிற்கு உட்பட்ட எம்.பி.,க்களின் எண்ணிக்கை 57 சதவீதமாக இருந்துள்ளது. 


சம்பளம் 4 முறை உயர்வு :

கடந்த 5 ஆண்டுகளில் மட்டும் எம்.பி.,க்களின் சம்பளம் 4 முறை உயர்த்தப்பட்டுள்ளது குறிப்பிடத்தக்கது. கடந்த 20 ஆண்டுகளில் பார்லி.,யில் 11 சதவீதம் மற்றும் மாநில சட்டசபைகளில் 9 சதவீதம் பேர் மட்டுமே பெண் உறுப்பினர்கள் இடம்பெற்றுள்ளனர்.

 

 

Related Stories