HEADLINES:
May 26 2018
புயலில் மாயமானவர்களை மீட்க தொடரும் மீனவர்கள் போராட்டம்
08 December 2017

கன்னியாகுமரி: புயலின் போது மாயமான மீனவர்களை மீட்டு தர வேண்டும் எனக்கூறி சென்னை மற்றும் கன்னியாகுமரியில் மீனவர்கள் போராட்டம் நடத்தினர்.

 

ரயில் மறியல்

புயலில் மாயமான மீனவர்களை உடனடியாக மீட்க வேண்டும் என கன்னியாகுமரி மாவட்டம் குழித்துறையில் மீனவர்கள் ரயில் மறியல் போராட்டத்தில் ஈடுபட்டனர். நீண்ட பேச்சுவார்த்தைக்கு பின்னர் நள்ளிரவு போராட்டம் முடிவுக்கு வந்தது.

 

முதல்வரிடம் மனு

இந்நிலையில், மீனவர்களின் போராட்டம் இன்றும் தொடர்ந்தது. சென்னை நொச்சிகுப்பத்தில் குமரி மீனவர்களுக்கு ஆதரவாக போராட்டம் நடந்தது. மாயமானவர்களை உடனடியாக மீட்க வேண்டும் என முதல்வரிடம் மனு அளிக்க உள்ளதாக மீனவர்கள் தெரிவித்துள்ளனர்.

 

 

மெரினா கடற்கரை கலங்கரை விளக்கம் அருகே போராட்டத்தில் ஈடுபட்ட மீனவர்கள்.

 

சாலை மறியல்

கன்னியாகுமரியை சேர்ந்த 15 மீனவ கிராமங்களை சேர்ந்த மீனவர்கள் குளச்சல் பேருந்து நிலையத்தில் இருந்து பேரணியாக சென்று போராட்டம் நடத்தினர். தொடர்ந்து குளச்சல் பகுதியில் மணவாளகுறிச்சி பகுதியில் சாலை மறியல் போராட்டத்திலும் ஈடுபட்டனர். இதில் சுமார் 4 ஆயிரம் பேர் கலந்து கொண்டனர். இதனால், அப்பகுதியில் பரபரப்பு ஏற்பட்டது.

 

 

Related Stories